Dr Dosenkönig

Biem Beluren dr Ü’ewerschrift wütt mäch eener ü’ewerläjen: watt hätt en Schützenverein mit em Dosenkönig zu doen. Datt hätt nu foljenden Zojang (Vorgang):

Vörr en paar Johr, so 68/69 erömm, schmissen us Kinger bie dr Kingerbelustijung opp ahl Dosen, wie datt jo so üblich es. Nu es ett jo so, datt de Blaachen an dem Schützenfestmondach ze vill ze essen un ze vill ze drinken hann. Watt es de Folje? Se hann keen räte Lust mehr, die ahl Dosen raffzeschmießen.

Nu sing jo ooch dn Kingern ärr Ahlen do, un die woren jo ooch fast all om Fröschoppen. Un wenn die es en hallef Dutzend Pilsjer un mehr duur den drü’en Hals jeschott hann, kummen die Ahlen upp de dollsten Einfäll. De Ahlen woren upp enmol am Dosenschmießen. Ett du’erte ooch nett mehr allze lang, un mir hatten den besten Schmießer fungen. Ett wor dr Willem us Will (Wiehl), ihr wißt ett, dr Heyden.

Nu sät eener: "Jetzt wütt dr Willem ooch hüt owend als Dosenkönig jekrönt." En Frau us Bellekro (Bellingroth), die fast immer dobie is, sät: "Die neue Kette maachen ich bis hüt owend mit mingem Keel feerdich." Die zwei Königskettenmacher komen heem un hatten sich duur de Owerlei (Weg von Kaltenbach nach Bellingroth) ropp ü’ewerlät, wie se dem Willem en lustije un en sinnvoll Kette maachen kunnten. Die zwei hatten en paar Mädchen doheem, un datt ällste sammelte kleen Schnapsfläschen, un do druus sollte mit Bierdosen zesammen mit Schnüren un so wieter so’en Dingen jebaut werden.

Wie die zwei jetzt an ett Bauen jingen, moten (mußten) se doch tatsächlich feststellen, datt datt kleen Schinnoost die Dinger nit bloeß jesammelt hatte, sondern ett hatte se ooch fast all probiert. Wie äwwer es alles nojesehen wor, woren von unjefähr 80 Fläschen noch jerade jenuch förr de Kette do. Die Ahl kunn ett sich äwwer nitt verkniefen, noch ewen ze saachen: "Wo maach datt Kingt datt bloeß von hann?"

Wie mir wi’er (wieder) all um 8 Uhr en dr Hall woren, wor ooch de Kette feerdich. Die Musik fing pünktlich aan, un nohm e‘erschten Danz jing datt Krönen von demm Dosenkönig loß. Dr e’erschte Kröner im Verein heelt en Red von Kampfjeist, ruhiger Hand un sicherem Ooch un dä usem

Die Dosenkönige im Schimmelhau.